Aspalditik nire sare sozialetan bazabiltza, agian pixkat ezagutuko nauzu jada… Baina hemendik berria bazara, ongi etorri nire txokotxora 🌼
Arantza naiz. Urte askotarako!
Bidaiatzea maite dut, beti kamera eskuan 📷 momentuak, koloreak eta istorio txikiak harrapatzeko.
Baina badago nire bizitzan txikitatik nirekin doan pasio bat:
joskintza ✂️🧵
Ez zait bereziki gustatzen baxuak edo botoiak jostea, ez zaitut engainatuko… 😅 Baina izugarri gustatzen zait sortzea. Ehunak nahastea, koloreekin jolastea, konbinazio berriak imajinatzea, eta oihal berrien bila ibiltzea. Me txifla. 🎨
Formazioz gizarte-langilea naiz, eta denboraldi batez horretan aritu nintzen. Baina 2020an erabaki nuen proiektu txiki honetan %100ean murgiltzea.
Eta egia esan… irakasle bikaina izan dut etxean: nire ama 🧡
Bera jostuna izan da urte piluen, eta berak irakatsi dit nik dakidan guztia. Nire amamak berari erakutsi zion bezala, eta amamari bere amak…
Horrela, lau belaunalditan zehar bidaiatu du jakintza honek 🌿
Agian horregatik da niretzat jostea zerbait berezia. Ez da bakarrik oihalak elkartzea, belaunaldiz belaunaldi datorren hari bat jarraitzea baizik 🧵
Horregatik ez da kasualitatea proiektu honen izena: Hasi ta Hazi.
Ama, amama eta birramama dira nire “Hazi”-ak. Nire sustraiak dira. Haiei zor diet ikasitako guztia.
Eta ni naiz “Hasi”. Proiektu txiki honi hasiera eman diona, eta zuekin batera bide luzea egitea espero duena. Zuekin batera hasi, eta hazten doan proiektua. 🌱
Eskerrik asko honaino iristeagatik. Hemen hasten da marka txiki hau… eta pozik hartuko zaituztet bide honetan nirekin bazatozte 🧡
🙂 Ongi etorri.
